Bible Verse Of The Day

MUSIC TRAINING

Gospel Music Association (GMA) Sponsor na noija June 21 – 26, 2010 sunga gamphajang Village, CCpur, mun na Music training (Tonic Solfa, Staff notation, Guitar, Keyboard chule traditional music) hohi semding ahin, Koi Denomination ti um louvin ahunglut jouse hung jao cheh dingin tem ahi.

Thu chen he nom hon contact:
#9615345173
#9615218086
#9774858266

                  Sd/-
General Secretary GMA
(Ngamkhokai Haokip)
————————————————————————————————————–

“Keiman kachamtah-in kaseiyin, “Hung temin,lungdei um kiti hi itobang ham, ti keiman kapatep
ding ahin, nangin kinopsah nan hun mangin” katahsa hi ju donía kitildohna ding kahol holíin,
kalung gilíin kagel nan” Thuhilpa 2:1-3

Thuhilpan hinkho a lungdei um kiti hi itobang ham ti het nading in thil chom chom pansan het ding in angaitoin ahi. Hiche ahin jong ama in ju le sa a hinkho nop hol nading in pan ala in ahi. Tulai a drugs chom chom hohi ana um hileh ama in hiche ho ahi lungdei um kiti hi itobang ham ti holna a hiche hohi jong atep ding kagingchan ahi.
Thuhilpan lungdeilam ading in ju le sa aneh vangin imacha apha chom pon ahi. Hinkho a kona kikangse nading a mihem in adeilou hohi bol lou beh ding ahi in ahi. Hiceh sang ahi Pathen tahsan a lungdeilam ipi ham ti het nading a Pathen kom joh bel a hol ding hi amathusei Bible a imu hohi hoitah a ijui a pan ilahle ahi jengin ahi.

 

Bible Verse Of The Day

“Hao sanga minphat kilhen joh ding ahin, Sana dangka sanga jong milung lhaina a umjoh ding ahi.” Proverb 22: 1

Pathen a dinga hao kiti hi kitahna mi ngailutna le thilpha boljing theinahi ahi. Mihem khatin agel jing dingle anei jing dinga thupeh chu kitahna, ngailutna le thilpha bolthei nahi ahi. Leiset mihem lhagaomi hilou honvang neile gou sum lepai in lelou kiti hi agel un ama ho dinga hichu hao nabanga agel u ahi. Mihem leiset hinkho a ding ahin
Vanggam a dingvang ahipoi.

 

Bible Verse Of The Day

“Ajehchu ama amu cheh jehuva kicha sohkei ahiuve, chutah chun Jesun ahin houpaiyin ajah
uva, olmo hihun kicha hihun, kei kahi, kicha hih uvin”                                              Mark 6: 50

Khang masa chun mihemte dinga kichatna um lou ahin, tukhang vanghi aphat phat a kichat tijat naum jingthei jeng ahitah jeh in kichat khang abange. Khangmasa a chu mihem jong aphat jeh a sahem jong pha hi dinga tahsan ahi. Pakai Jesu jengjong a changa vahle ahi akimu’e. Molchunga tao dinga changa vahle ahi. Kong’a lamjot khang ahijeh in tuipi panga seijuihon Jesu amuva chu kicha ahiuve, Jesun keima kahi bouve kicha hihun ati. Ipi dinga
ama nungjuiho chun ama akichat ham? Hettoh loujeh ahi. Pathen in eikilhonpi jinga kichat tijat ineilou nadiuva taona neijing ngai ahi.

 

Bible Verse Of The Day

“Ajeh chu vetan, nikho chu meilhum sung kong leng lung bangin ahunge. Hichea hi mi kiletsah
jouse le thilse bol jouse kipal lhusoh hel diu ahi; hihce nikho hung lhung hin hitobang miho hi mei banga akahvam diu ahi, tin thaneipen Pakaiyin aseiye; hiteng hileh anikho hin apansatna ajungbulpi geiya chule abah geiya jong akhen louhel ding ahi.”
                                                                                                                                    Malachi 4:1
Achung a kisun hiche Bible in avetsah chu ahi aleh gihna hi adeh a miki letsah leh michonse ho ading ahi. Mihem Pathen ngaichapoi tihohi khatvei tei mangthah diu ahi. Pathen akon a gihna imu tengle, mi tamtah in ahilou in igel juivin ajehchu Pathen lunggel ipi ham ti ihet them theilou jehvin. Pathen in gihna ipeh u ajehchu ahileh ihinkho mandan u Pathen deilam a akiman thei nading a gihna ahin nei jui ahi. Ei le ei bou iki ngailuta ahileh eima hinkho keu kisuh mang hilou a loi le paite hinkho jong asuhkha ahi in ahi. Hijeh chun Pathen deilam a hinkho man nading achu achesa hinkho hohi gellou ama deilam a chonding in pan lajing uhite.

 

Bible Verse Of The Day

(1) ‘When the day of Pentecost came, they were all together in one place.
(2) Suddenly a sound like the blowing of a violent wind Came from heaven and filled the whole house where they Were sitting.
(3) They saw what seemed to be tongues of fire that separated and came to rest on each of them.
(4) All of them were filled with the Holy Spirit [more accurately: ‘filled with holy spirit’ (the gift from the Giver) and began to speak in other tongues as the Spirit enabled them.’
Acts 2:1-4

 

Bible Verse Of The Day

“Nalungkhamna jouseu ama chung a sep lhauvin, ajeh chu aman nakhankho dingu agel nai.”
Lungkhamna inei tengle eima bouvin boipi ding ahipoi. Hiche sang achu Pakai Pathen komma lhutjoh ding ahi. Anina achu Christian ichan khompi le itahsan tah komma taona toh thoía seikhom angai in ahi. Ajeh chu mi in nadalha jong le Pakai in nadalha lou ahi’e.

Koiman Pakai toh ikhen thei pouvinte. Pakai in koi hileh ama komma tahsan nanei puma hung chu adalse pon ahi. Hijeh achu mihem in lungkhamna inei teng leh Pakai Jesu Christa komma sep lhaji uhite ajeh chu aman ikhankho ding u eigelpih jing uvin ahi.

 

Bible Verse Of The Day

2Timothy 3: 16
Pathenin hu alhakhum Pathen lekhabu chengse chu, kihilna ding, kipho nading, kipui jang na
dingle adih lam a kichuhna dinga phachom tah ahi.

Thonlou Pakai lungset le ahepina aum jing nai, jingkah laile ninou soh thah abange. Kenbou ka neitan ama henga kinem kahi itu hinam? Christian Fellowship hinkhohi ganei tah ahi. Khat le khat kingailut thei jengseh jongchun ga tamtah asodoh thei ahijeh a Houbung in Fellowship neijing dinghi aphai. Theiga twitah ineh teng hinkho kipana ahibanga Christian kiloikhom hin kipana bulhing apeh theina ahi. Mipi dinga Fellowship iha soding ham? Pathen
thangvah nachu fellowship ahi. Pathen a kiloikhom hin ki ngailutna abulphu ahin kingailut hin Bible thuhil kiphon dohna lhing ahi.

 

Bible Verse Of The Day

Psalm 62:2
———————————————————————————————————————————————————————————–
Pathen chu kasongpi le eihuhhinga ahin, kakulpia pang ahi, keima nasatah a suhling hoi hipong
nge.”

Pathen in ilung le ilungthim a chamna dihtah eipeuve ti igeldoh jingu angaiyin ahi. Hinkho a lunggim laitah a bolmasat pending chu ahileh ilunggimna ihasatna jouse Pakai a ngaplhah ding ahi. Tantih neilou a Pakai komma taojing angai in ahi. Leiset hinkho a hi hahsatna leh gentheina hi itojing ding peljong ipeldoh theilou diu ahi.
Hitobang tengle igeldoh ding chu ahileh Psalm 86:7 “Nangman neihouji jeh-in, kagimni leh Nang jeng kakou koujie” atibang a hi eihon jong thildang sanga Pakai Jesu Christa ikouji diu ahi. Gim ham ahilou le hasat jeh’a thilpha ibol u ihailou diu hiche sang achu thilpha bolhi tantih neilou a boljing angai in ahi.

 

Bible Verse Of The Day

Achutile Ninevah khopi lentah khu ken ichan geiya ka-it joh ding hitam? Ahi mong in jong a kho sunga khun monabei chapang mai mai jong milhing sangja khat le sang somni alhingin, Gancha simsenlou toh aum thai ati Jonah 4: 11
——————————————————————————————————-
Pathen themgao Jonah chu Ninevah khopi sunga lhangsam in a chei, Ninevah hi Assyria khopi ahin, halvam ma a um ding koncha ahi jeh a Pathen in Jonah a sol ahi.

Hiche hi BC 625 lam thu ahitai, Themgao ahi jeh in Ninevah mipi ho chu alung ahei un kisih in khaodip pon
asil un akap jeng uve; ajeh chu khopi halvam ding chu Pathen in ageldoh sah u ahi. Pathen in hiche mun a
thusei dinga adeilhen ahijeh a tuipi lah a ngapi oisunga ni thum le jan thum jouva Jonah hi ahin huhdoh ahi.
Pathen chu thilbol thei ahi jeh a ginchat phahlou ngailut ahomjal ahi.

Pathen in mihem angailut jeh a Jonah michonse khat chu themgao banga aman chah jeng ahi. Pathen’n angailut hochu ahuhdoh jing ahi.

 

Bible Verse Of The Day

Zechariah 8: 16-17
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
“Nangho khat le khat atah jengin kihoulim uvin lang, nakelkot phunguva thutanna mun jousea jong
thu adih dih-in tan uvin, chamna din thil sem uvin; nalungthim uvin khatí in khat chunga thilse geldauvin
jou le nal thua kihahselna neidin lunglut dauvin, ajeh chu hitobang thil hohi keiman kahot ahiye, tin
Pakaiyin aseiye”

Hiche Bible changhin kichentah in Christian chate hon ibol diu le itoh diudan hoitahíin isei chen pihvin ahi. Pathen in thudih adei ahi ti imuvin ahi. Ama in adei kit chu ahileh thilse gellou ding jou le nal thua kihahsel lou ding hiche sangía chu chamna ding joh a panlah ding chu ahi. Amabou tulai ihinkho u ivet a ahileh hiche Bible chang a imu uhi eimahon ihinkho uvah ipodoh jou thei tapon vin ahi.

Thudih le chamna sang in eima phatchom nading ahipou le jou le nal seijong ima in akigel tapon ahi. Zachariah a imu bang uvin christa a sopi teho kigel phau hite; gamsung a chamna, lungmonna le kipana umhen itiule amasa in nang le ken jong hiche achung a Bible changin asei “thudihíchepi ding ngaito masau hite.